LAP MET IAP BA LA PYUT NA WAH PHODPYNTON HA MAWRANGLANG, LAI KYNTOIT

Shillong Nailar 31: Ka wei ka met iap kaba la pyut ka bym lah ban ithuh la lap na ka wah Phodpynton, ha ka shnong Mawranglang, Lai Kyntoit, ha South West Khasi Hills District, ha ka por kumba 6:10 p.m. ha ka 29 tarik Nailar.
Na ka liang u Superintendent of Police, South West Khasi Hills District, Mawkyrwat, u bah B. Jyrwa, MPS, u la iathuh ba ka met iap jong u wei u Briew, uba ka rta kim pat lah ban tip bad ym lah ban ithuh dei mano.
Shuh shuh ki pulit kila iathuh ba kane ka met la lap na khap maw ha kane ka wah. Ha kaba ki jain u phong da ka patlun iong ba lyngkot kaba tap satang ia ki lbong, bad ka bynta kaba ha jrong jong ka met ka mih sha bar.
Ki pulit ki la lap ruh ia u taweez kaba the ha ka kti jong une u briew uba khlad. Na ka daw jong ka jingpyut ia ka daw jong ka jingkhlad kim lah ban tip haduh mynta.
Ia kane ka met iap la pynkit noh sha Civil Hospital Shillong ban leh ia ka post-mortem.Ka jingleh ia ka post mortem kan iarap ban lap ia ka daw jong ka jingiap jong une u briew.