Shillong Risaw 14: U Bah Titostarwell Chyne uba dei u nongialam ka liang iatei ha KHADC u la kyntait ban jubab halor ka jingujor ka UDP ha u Lamphang ka iingdorbar thawain ia ki 8 nngut ki MLA kiba la pyniasoh bad ka BJP da kaba ong ba u President u dei u ba biang ban jubab ia kata namar ba u leh ma u.
Kane ka jingkylli ba la kylli da ki lad pathai khubor kadei hadien ba u Lamphang u la ong ba ka don ka jingduna ha ka petition ba la ujor da ka UDP na ka bynta ki 8 ngut ki MLA kiba la pyniasoh sha ka BJP.
Haba kren sha ki lad pathai khubor mynta ka sngi Balang u Bah Titos u la ong ba u khlem don bynta lang ha kata kumta u la ong ban kylli na u President u Bah Metbah Lyngdoh.
U la ong ba kum ki nongialam ka party kin ialeh ban pynkhlain ia ka party nangne shakhmat da kaba iathuh ba mynta ki don shibun ki ba kwah ban rung sha ka UDP wat kito kiba la ieh ia ka party ruh ki kwah ban rung biang. Halor ki 8 ngut MLA kiba la phet sha ka BJP u Bah Titos u la ong ai ba ki paidbah kin sa ai ka rai bad bishar.
