Mawkyrwat, Risaw 17: Ka South West Khasi Hills District Badminton Association ka la ïoh ban pynkut noh ïa ka lympung ïalehkai badminton kaba la tip kum ka 10th South West Khasi Hills District Inter Office Badminton Championship 2026 kaba la pynlong ha Indoor Stadium, Mawkyrwat.
Lah ban kdew ba ha kane ka Inter Office Badminton ki don baroh 75 ngut kynthup ïa ki 57 ngut ki shynrang bad ki 18 ngut ki kynthei na ki ophis treikam bapher bapher hapoh ka South West Khasi Hills District.
Ki nongjop ha ka 10th South West Khasi Hills District Inter Office Badminton Championship 2026 ki long ha ka above 40 Men Single dei u Kamal Thapa na ka SP Office Team, Women Single Open dei ka Sadaphi Shylla na ka DC Office Team, ha ka Mixed Doubles la jop da u Synsharlang Lyngdoh na ka Water Resource Team bad ka Amandapaleisha Kurbah na ka Basin Team, ha ka Women’s Double la jop da ka Waidalin Lyngdoh na ka PWD Office Team, ha ka Men’s Single la jop da u John Lakiang na ka Police Department Team, ha ka Above 40 Mixed Doubles la jop da u Kamal Thapa bad u Berningstar Hynñiewta bad ha ka Men’s Double la jop da u Kamal Thapa bad u John Lakiang na ka SP Office Team.
Ha kane ka lympung la sam ruh ïa ka khusnam Best Team kata sha ka DC Office Team.
Ha kane ka sngi ban pynkut ïa ka 10th South West Khasi Hills District Inter Office Badminton Championship 2026 la wan sakhi lang naduh ka kong A.L. Mawlong, IAS, Deputy Commissioner ka South West Khasi Hills District kum ka kongsan ha ryngkat ka jingdonlang u bah B. Jyrwa, MPS, Superintendent jong ki Pulit, u bah L.G.M. Kharmih, MCS, Additional Deputy Commissioner ka South West Khasi Hills District, ki ophisar sorkar lem bad ki paidbah nongwan peit kai kiba kyrshan bad ai mynsiem ïa la ki jong ki kynhun.
