Shillong Risaw 17: Ka All Meghalaya Kickboxing Association kala ioh ban pynlong ia ka State Level Kickboxing Championships 2026 ha kaba ki rang bad ki thei ialehkai na Kylleng ka Jylla ki la wan ban ia shim bynta.
Haka sngi kut jong jingiakop la wan ban ia don lang da u General Secretary ka BJP Meghalaya u bah Wankitbok Pohshna kum u Kongsan bad u President ka AMDA u bah Kitbok Thabah kum u Symbud Kongsan, ha ka jingiadon bynta lang ki Rangbah Shnong ka Shnong Kyiem, bad Lyngkien, bad ruh ka jingdonlang u Fr Henry Manner bad u Fr Kerophin Hashah.
Haba kren ha kane ka ngi u Bah Wankitbok Pohshna General Secretary ka BJP Meghalaya u la pynpaw ia ka jingsngewkmen ban ia don bynta lang ha kane ka sngi ban iohi ia ka sap ka phong ba ki samla ki don.
U la ong ruh ba naduh ba la seng ia kane ka kynhun bun ki khynnah ki la ioh ban leit shim bynta ha ki rynsan bapher bapher ha ka ri bad shabar ri ruh kumjuh bad ki la ioh ruh ban wan rah ia ka nam bad burom ia ka ri bad ka Jylla baroh ka wei.
U la bynrap da kaba ong ba katne ki la lah ban pynlong ia kane ka jingiakop hynrei sngewsih ba kim ioh ia kino kino ki lad jingiarap bad wad ban ithuh ia ka kynhun ka jong phi ha ka Jylla.
Na ka liang u Bah Pohshna u la kular ba kin ia trei ryngkat ryngkat halor kane bad shim ruh ia ki lad ki lynti ban iakren khang ba ka Sorkar Jylla khamtam ka tnat ialehkai ka Jylla kan ai jingkyrshan ia ki ha kum kine ki jingiakop.
Ha kane ka 2nd State Level Kickboxing Championship ka East Khasi Hills ka la ioh ban rah ia ka nam lahduh, ka East Jaintia Hills ia ka kyrdan kaba 2 bad ka West Khasi hills ia ka kyrdan ba 3.
Na ka liang ki nongialam ka AMKA ki la ai khublei ruh ia u Myntri ka sorkar Jylla u bah Methodius Dkhar,u MLA ka Mawphlang u Bah Mathew B Kurbah, u bah Pius Marwein MLA ka Ranikor bad ki wei ki riew Rangbah kiba la don bynta lang . Shuh shuh ki la ai khublei ia u Myntri Rangbah ka Jylla u ba la ai ia ka Chief Minister Scholarship Fund ia ki khynnah lehkai Kickboxing jong ka AMKA, kiba la ioh jingmyntoi wad la na ka liang MSOA kam shym la patiew eiei ruh.
Ka AMKA ka dei ka Association ka baheh tam ha ka jylla Meghalaya. Ha kaba ki don 40 ngut ki Active Member, Active Fighters 1200. Affiliated School 16. Affiliated Club bad Training Centre 7. Affiliated District 9. Total Medals na ka North East Championship 168 tylli, Total Medals na ka National Championship 240 tylli bad na ki International Championship Total Medal 5 tylli.
Ka AMKA ka ai Khublei kyrpang ruh ia ki Nongpynïaid jong ka School, Samuel Academy School ba ka la pdiang ban pynlong ia kane ka 2nd State level Kickboxing Championships
