Shillong Risaw 14: U Myntri Rangbah ka Jylla, u Conrad K. Sangma, ha ka Sngi Balang u la pyllait ïa ka instalment kaba ar bad kaba khatduh jong ka Umbrella Post-Matric Scholarship na ka bynta ki samla pule Scheduled Tribe (ST) jong u snem pule 2025-26.
Ha kane ka jingïalang ha St. Anthony’s College, Shillong, la pynbna ba 96,801 ngut ki samla pule ki la shah pynshisha kum ki nongïoh jingmyntoi, bad na kine, 88,061 ngut, kata 91 percent, ki la ïoh ïa ka pisa scholarship baroh.
Na ka bynta kane ka scholarship, ka Sorkar Pdeng bad ka Sorkar Jylla ki la mang lang T. 198.43 klur ha ki ar bynta.
U Conrad u la ong ba ka scholarship ka dei kawei na ki jingdonkam ba kongsan jong ki samla pule, bad u la bthah ïa ki tnat ba dei peit ban buddien ïa ki jingpynslem ha ka jingsiew haduh ba baroh ki samla pule kiba bit kin ïoh ïa ka pisa kaba dei hok jong ki.
U la kyntu ruh ïa ki samla pule ban pyndonkam hok ïa ka pisa scholarship na ka bynta ki jingdonkam ha ka pule puthi.
Ha kane ka sngi, u Myntri Rangbah u la plie ruh ïa ka PG Block Biotechnology Department, Bio-Informatics Lab, ki jingdonkam ba la pynbha ha ka kolej, bad ka Computer Lab hapoh ka Chief Minister’s Skills Mission.
Ha kane ka sngi la donlang ruh u Myntri ka tnat Arts & Culture, ka tnad Animar Husbandary & Vetirinary u Bah Sanbor Shullai, u Fr Arcadius Puwein, u Principal ka St Anthony’s College nalor kiwei pat.
