NA KA SHNONG LAMYRSIANG KA SHNONG KABA U LA HEH LA SAN SDANG U BAH PALA BAN IALAP ILEKSHON.

Shillong August 31: U Kyrtong MP jong ka seng Congress u bah Vincent H Pala hynne ka sngi u la sdang ia ka jingialap ilekshon na ka bynta ka ilekshon MP Lok Sabha shiteng samoi jong ka Shillong Parliamentary Constituency na ka shnong Lamyrsiang ka shnong kaba u la u la heh la san.
Ki Nongialam jong ka Congress ki la hiar sha ka shnong Lamyrsiang ban pynsngewthuh paidbah ia ki nongrim kiba ka seng ka don bad ki mat kiba ka seng kan leh lada ki paidbah ki ai ka jingjop ia u bah Vincent H Pala kum u MP.
Haba kren ha kane ka sngi na ka liang u bah Pala u la ong ba ha shuwa ba un long MP kam ju don kata ka jingiakren haba ia dei bad ka ktiewn khasi, dei u Fr Sngi Lyngdoh u la khot ia u bad u la ong ba lada im ka ktien im ka jaitbynriew. Dei na kata ka daw ka la don ka jingiakren kumno ban pynim ia ka ktien bad ba ka sorkar India kan tip ia kane.
U la ong ruh ba ki don kiba kren ba u Pala u la leh aiu, hynrei la katno sien u la kren hapoh Parliament. Ha kaba u la ong ba ki wei ki la kren hapoh parliament hynrei kim pat lah ban kren kumba kren ma u, u la ong ba u la trei shitom naduh ba dang rit bad u dang leh hi kumjuh haduh mynta ruh.
U la ong ba ka Congress ka la kren halor bun ki mat kum ka FCRA bad ki wei ki mat kiba don kam, kham tam haba ia dei bad ki minority. U la khot bad wer ia baroh ban ai ka jingkyrshan ba pura ia ka Congress ba kin lah ban trei na ka bynta ka bit ka biang jong ka jylla hi baroh ka wei.