Shillong Risaw 07: U Nongialam jong ka NPP uba dei ruh u Myntri sorkar u bah Wailadmiki Shylla hynne ka sngi haba ia kren bad ki nongthoh khubor halor ka jingmih khubor ba ka don ka jingbym ia sngewthuh jingmut ha ka party u long ka ki MLA ka NPP ki ia tylli ka wei.
U Bah Shylla u la ong ba ki MLA ka NPP ki ia tylli ka wei wad la ki khubor ki mih na ka wei ka por sha ka wei pat ba ka don ka jingpyrshang ban pynpra ia ka, u la ong ba ki nongialam jong ka seng ki pynshisha ba ka iing jong ka NPP ka ia tylli.
Shuh shuh u bah Shylla u la pynpaw ba ki nongialam ka NPP ki shaniah ha ka jingialam jong u Myntri Rangbah ka jylla u Conrad K. Sangma, da kaba ong ba ha kine ki snem ba la dep u la lah ban wanrah ia ka jingiatrei lang bad ki seng sain pyrthei ban ban iatreilang hapoh ka sorkar.
U bah Shylla u la iathuh ruh ba ki MLA ka NPP ki ju iakynduh na ka por sha ka por ban iakren halor ki kam pynroi ha ka jylla. ha kaba ia kane ka jingiakynduh lang ruh ki dang ia shong ha kine ki shi sngi ar sngi ba la dep ha kaba baroh ki MLA ki la wan ban ia don bynta lang, kane ka pynpaw ba ka seng ka ia tylli ka wei.
