LYNGBA KA KIBO YN TIP KI NONGTREI SORKAR KI BYM LAH BAN IOHI KI KHMAT KAEI BA LA THOH HA KI KOT KI SLA

Shillong Nailar 04: Ban pynsuk ia ki briew kiba duna dkhot met kiba trei ha ki ophis sorkar, ka Commissioner for Persons with Disabilities kaba dei hapoh jong ka tnat Social Welfare, jong ka sorkar Meghalaya ha ka jingiatreilang bad ka Secretariat Administration Department bad ka Trestle Labs Pvt. Ltd., Bengaluru, hynne ka sngi ka la ai jinghikai ia ki kumno ba kin lah ban pule ia ki kot ki sla kiba wan poi sha ki lyngba ki kor ki bor kiba mynta.
Haba ia kren bat u Rishabh Shakhapur, Business Development Executive ha Kibo by Trestle Labs, u la ong ka Kibo ka dei ka lad ba kiba duna dkhot met khamtam kito ki bym iohi ba kin lah ban pule ia ki, la ka dei ia kito ki ba duna ha ka bor iohi, ki bym iohi bad ki bym sngewthuh ktien ba kin lah ban trei kam khlem da Shania ha ki wei pat.
U la bynrap da kaba ong ba lyngba ka Kibo ki bym iohi ki khmat kin lah ban pule kot kumba pule ki wei pat. Da ka jingkyrshan jong ka sorkar Meghalaya ki nongtrei sorkar ki lah ban pyndon kam ia kane ka kor da kaba pynkylla ia ki jingthoh sha ka dur jong ka sor ba kin sngap
U Shakhapur u la iathuh ba lyngba ka Kibo kiba pyndonkam ki lah ban pynkylla sha 18 jait ki ktien bad sha ki 60 tam ki OCR (Optical Character Recognition) kyntien, ban pynsuk ia kiba bym iohi ban ioh ia ka jingtip kaba bniah.
Haba ia kren bad u wei na ki nongtrei sorkar u bym iohi ki khmat u la ong ba u dap da ka jingsngewkmen ba ka sorkar ka la wan rah ia kane ka kor bad ki don ka jingkyrmen ba kane kan pynsuk ia ki ban trei kam.
U la bynrap da kaba ong ba ki kor kane ka juk mynta kan ai jingmyntoi ia ki nongtrei sorkar ba kin lah ban pule ia ki kot ki sla kiba wan sha ki bad ban trei kam khlem ka jingshania sha ki wei pat.