Sbak sahkut ka Ambulance ha surok Mawryngkneng : Mih jingkylli ba hato dei ba pynlong jingïakop khwai bad khalai Lucky

Shillong, Nailar 29: Ha ka miet jong ka sngi Saitjaiñ, ka 29 tarik u Nailar 2026, ka shilynter ha Surokbah Mawryngkneng, ki kali ki la sahkut sbak hajuh, ha kaba kim shym la lait shuh ban ïaid namar ka jingdheng kali kaba la jur haduh katta katta.
Katkum ki durkhih ba la ïoh pdiang, la ïohi ba wat ka kali kit nongpang ruh (Ambulance) ka la sahkut hapdeng surok, khlem lait shuh ban ïaid, kaba la mih shibun ki jingkylli, ba kadei na kaei kadaw, la kane kadei na kadaw ba don ka jingkhwai dohkha bad ka jingpynkhalai lucky draw ha Mawryngkeng.
U Bah W Sohtun, President ka Hynñiewtrep Youth Development Council (HYDC), u la buh ka jingkylli ba kaei kaba pynlong ban sahkut ki kali haduh kattne kattne, naduh ki briew ba ïaid lynti bad ki ambulance.
Da kaba bynrap “Mano ban shim ka jingkitkhlieh halor kane ka jingsahkut ki kali hapdeng surok”.
Ka Sorkar kadei ban shim ka jingkitkhlieh haba ïadei bad ka Surokbah ha Mawryngkneng, kaba la jia shakut lut ki kali, bad kumjuh ruh ka tnad pulit na Mawryngkneng kadei ban shim ka jingkitkhlieh ïa kane.