Shillong Jylliew 16: Ka Khasi Students Union (KSU) ha ka step jong ka 16 tarik Jylliew, 2026, Ka la ïoh ban bat ïa san ngut ki nong Bangladeshi kiba la wan rung beaiñ sha kane ka jylla.
Ha ka jingïakren bad u samla Cleenstar Shabong, Organising Secretary ka KSU, CEC, u la ong ba ïa kine ki bar jylla la ïoh ban bat da ki dkhot ka Jaïaw Circle katba ki dang thmu ban pan kam na ki dkhot kiba don hajan Lum survey bad mar ïa tip ba ki dei na Bangladesh, na ka liang ki dkhot ki la bat ia ki.
U la ong ba napdeng kine ki san ngut, saw ngut ki la ïoh ban phet krad noh katba uwei pat u la mareh lemwir sha ki thaiñ jaïaw ha kaba na ka liang ki dkhot ki la ïoh ban bat ia u bad ban ïalam sha ka ophis treikam ka seng kaba don ha Jaïaw.
Nalor kata, u la ong ruh ba une u bar jylla um don satia ïa ki kot ki sla kiba biang bad haba wad jingtip, u la pyntip ba ki don da ki spah ngut kiba la wan lang bad u da ki trok da kaba rung lyngba ka khappud Dawki, kiba la siew mar 2-3 hajar tyngka sha ki Dalal.
Shuh shuh, u samla Cleenstar, u la maham jur ïa ki Dalal kiba leh ïa kane ka kam bad kumjuh ruh ban dawa na ka sorkar ban pyntreikam noh ia ka ILP.
