Shillong Naitung 09 :Ka kynhun myntri hynne ka sngi ka la mynjur ban thied jaka kaba heh kumba 3.95 akar ha thadmuthlong Laskein Block ha west jaintia hills , kane ka dei na ka bynta ban shna ia ka Integrated Lakadong Plan, ka DONERS ka la bthah ia mann ki jylla ban shim u wei na ki jingpynmih bad ban pynkhlain ban kyntiew ia ka, da ka jingiakren bad ka Ministry Of DONERS U shyrmit u dei u ba la jied na ka bynta ka Jylla Meghalaya.
U myntri Rangbah u la iathuh ba kane ka projek kan poi haduh 187 klur ha kaba ka DONERS kan mang pisa kumba 70 haduh 80 % bad kumba 30 haduh 35 klur yn mang pisa da ka sorkar jylla. Na ka bynta ban iaid sha khmat ka jaka ka don kam ban buh ia kane ka plan. U la ong ba u Shyrmit u dei uba bun ki paidbah na kylleng sawdong ki thrang ban ioh bad ka jylla Meghalaya ka dei ka wei na ki jylla kaba pynmih bun bha ia u shyrmit
Ka sorkar ka la shim ia ka rai ban thied jaka ban buh ia kane ka plan na ka bynta ban pyniaidn ia u shyrmit lakadong.
