Shillong Nailur: U Union Minister of State for External Affairs and Textiles ka Sorkar pdeng u Pabitra Margherita hynne ka sngi u la wan ban sam ia ki shithi thungkam ha ki tnat sorkar bapher bapher jong ka Ri.
ka Rozer Mela ba 20th la pynlong ha State Convention Centre Shillong ha kaba kumba 127 ngut ki samla na Kylleng ka thaiñ shatei lammih ngi ki la ioh ia ki kot thung kam ha ki tnat ka sorkar pdeng.
Haba kren ha kane ka sngi na ka liang u Union Minister of State External Affairs and Textiles ka sorkar pdeng u Pabitra Margherita u la pynpaw ia ka jingsngewkmen ban ioh don bynta lang ha kane ka sngi ban aiti ia ki shithi thungkam sha ki samla ka thaiñ hakaba kumba 51000 ngut ki samla na Kylleng ki Jylla ka ri India ki la ioh ia ki shithi thungkam.
Ia kane ka Rozer Mela ba 20 la pynlong da ka office jong u Chief Commissioner Income Tax, shillong bad kum kane ka prokram la pynlong ha ki 45 tylli ki jaka ha Kylleng ka Ri India bad kumba 51,000 ngut ki samla ki la ioh ia ka shithi thungkam.
Ha kane ka sngi u Myntri Rangbah ka Ri u Narendra Modi u la pyllait paidbah bad kren sha ki samla lyngba ki kor kane ka juk ba mynta ban ai khublei is ki samla bad kyntu ruh ia ki ban trei shitom namar kidei ka lawei jong ka Ri baroh ka wei.
Na ka liang u Margherita haba kren ha kane ka sngi u la ong ba ka sorkar pdeng lyngba ka Rozer Mela ki la ioh ban ai ia ki shithi thungkam sha kumba 12.75 lak ngut ki samla.
U la ong ba lyngba ka jingiohi jngai jong u Myntri Rangbah duh ka Ri u Narendra Modi ki samla na Kylleng ka Ri ki ioh pdiang ia ki shithi thungkam bad kyntu ruh ia ki ban trei shitom ban trei na ka bynta ka Ri.
U Union Minister u la pdiang sngewbha ia ki samla kiba la ioh ia ki shithi thungkam bad ong ruh ba ka jingrung jong ki sha ki kam kiba pher bapher ka dei ka jingsdang jong ka kam khamtam haba ia dei bad ki briew kiba wan shim bynta na ki bynta bapher bapher, kiba iohi ia ka jingkiew ka Ri ha ka ïoh ka kot bad kynjoh ia ka thong jong ka India ha u snem 2047
