Shillong Nailur 20: Ka seng samla hima langrin haka jingialam jong u bah pynshailang lyngdoh mynta ka sngi kala pynlong ia ka jingialang paitbah ha shnong phlangdiloin ban dawa ia ka sorkar jylla bad na u MLA ba dei ban siang rong noh iaka surok na wahkaji – phlangdiloin shaduh langpa swkhd bad kum ban trei noh iaka surok na langpa sha ranikor kaba dei ka surok kaba pyniasnoh iaka ranikor bad ka phlangdiloin,
Haba kren haka jingialang u bah pynshailang lyngdoh u la ong baka sorkar kala leh mei-nah sha ba palat ia kane ka surok kaba ka kot mynta 50 snem naduh ba la trei ia kane ka surok na wahkaji sha phlangdiloin wat la ka dei ka hima kaba pynmih shibun iaka khanjna naka bynta ka sorkar
Shuh shuh ka seng samla hima langrin kala shim ruh iaka rai ban ai por iaka sorkar jylla tang 6 bnai ban siang rong iaka surok na wahkaji – phlangdiloin shaduh langpa bad lada ka sorkar kan dang sngap mynthi iaka jingdawa ka seng kan sa ujor noh daka PIL sha ka high court pyrshah iaka sorkar
U bah pynshailang lyndoh u la pynrem ruh iaka sorkar jylla ba ka kmen tang iaka jingioh iaka khajna na kane ka hima katba iaka roi ka par pat kam phai khmat sha kane ka hima, haka juh ka por u la kyntu iaka sorkar jylla ba ka dei ban phai khmat lang noh sha kane ka dong ka thain namar ki paitbah jong kane dong ka thain kila mat 50 snem ia kane ka surok khuhruh khohram khlem pat ioh rong haduh mynta.
