Mawkyrwat Nailar 07: Ka Mawkyrwat District Sports Association (MDSA) ha ryngkat ka jingïatreilang bad ka ophis District Sports Officer South West Khasi Hills District mynta ka sngi ka 6 tarik u Nailar 2026 ka la ïoh ban sdang ïa ka lympung 2nd bad 3rd division Football League 2026-27 hapoh madan MDSA, Nonglang, South West Khasi Hills District.
Ha kane ka juh ka sngi ka MDSA ha ryngkat ka jingïatreilang bad ka ophis u District Social Welfare Officer South West Khasi Hills District ka la ïoh ruh ban sdang ïa ka jinglehkai 4th division jong ki khynnah khatphra snem shapoh halor ka phang “Play For Glory Say No To Drug”
Ha kane ka sngi sdang, ha ka jingïalehkai jong ka 2nd division ka Mawjai ka la lah ban pynliem noh ïa ka Rangmaw da 2-1 kol , ha ka jinglehkai jong ka 3rd division ka Mawmerang ka la ïakhaid bad ka Phlang Kynshi da 0-0 kol bad ka Banangroi ka la iakhaid da mar 2 kol bad ka Brothers United
Katba ha ka jongïalehkai jong ka 4th division pat ka Nongdiat ka la khur ia ka jingjop hadien ba ka la lah ban pynliem noh ïa ka Phottdei da 2-0 kol.
Ia kane ka lympung la wan ban plie pyrda da ka kong A.L Mawlong Deputy Commissioner, South West Khasi Hills District ryangkat ka jingdonlang ka kong D. marwein , District Sports Office, SWKHD bad E Tariang, District Social Welfare Officer ,ki nongkitam ka MDSA bad kiwei kiwei.
