Mawkyrwat Nailur 26: U Bah Medalsing Lyngdoh uba la iakhun teng ia ka MLA ilekshon ha ki snem baladep na Mawkyrwat Constituency u la iehnoh ia ka jinglong dkhot jong u na ka seng Congress.
Katkum ka shithi ba soi da u bah Medalsing Lyngdoh bad aiti ha u President ka District Congress Committee, SWKHD u Bah Kynpham V Kharlyngdoh la ong ba ka jingieh noh kam jong u kadei na kadaw shimet kaba la pynlong ia u ba un nym lah mynta shipor ban bteng ia ka kam sain pyrthei.
Kum ban shu kdew u Bah Medalsing Lyngdoh u la iakhun teng ia ka MLA ilekshon ha u snem 2023 na ka seng HSPDP na Mawkyrwat Constituency bad u la ïoh kumba 6000 tam ka vote bad hadien ba ka seng HSPDP ka khlem pynieng kyrtong ha ka MP ilekshon ha u snem 2024 u la ai jingkyrshan bad pynïasoh noh ialade bad ka seng Congress .
