Mairang,July 14: Kumba ju leh man la ka snem ban pyndonburom ia ka Sngi khlad u paiem Tirot Sing ha man la ka 17 tarik u bnai Naitung ka hima Nongkhlaw mynta ka Sngi lyngba u Syiem ka hima Nongkhlaw u paiem PM Syiemlieh ha ryngkat ki Myntri bad ki dkhot ka celebration Committee ka pynbna ba ha une u snem ka Jingrakhe kan long kaba kyrpang kum ka jingpynkut noh ia ka jingdap 500 snem ka Hima Nongkhlaw.
Na ka liang ka hima ka pyntip paidbah ruh ba ha kane ka jingpynkut ia ka jingrakhe kin don ki jingpynkhreh kiba ka la buh ia ki Prokram bapher bapher bad ban sa pynbna ruh ha baroh ki shnong ki thaw.
Ha kaba iadei bad katei ka Sngi yn don ka Prokram buh syntiew ha u mot dur shi rynieng Jong u Tirot Sing syiem ha Mot Tirot Mission.
Shuh shuh ka Hima ka pyntip ruh ba kan don ka cultural program lane ka jingiakop rwai bad ka jingiakob shad tynrai na ka bynta ki khynnah skul ki seng samla ne kino kino ki samla na kane ka dong ka thaiñ kiba don ka sap ha kane ka bynta.
