Mawkyrwat Jylliew 24: Ka Khasi Jaiñtia Presbyterian Synod Sepngi Urban Mission lyngba ka Counselling Centre Mawkyrwat ha ryngkat ka jingïatreilang bad ka ophis jong u District Social Welfare Office, South West Khasi Hills District ka la rakhe ia ka International Day Against Drugs Abuse and Illicit Trafficking halor ka phang, “Breaking the Cycle : Stop organise Crime” ba la pynlong ha Madan Artificial Turf, MDSA, Nonglang, South West Khasi Hills District.
Ha kane ka program, u bah Robert June Kharkahrin u la long kum u kongsan ha ryngkat ka jingdonlang u Pastor E.C. Marweiñ uba dei u Director ka KJP Synod Sepngi Urban Mission, u Bah Y.G. Lyngdoh, President ka Mawkyrwat Drivers and Owner Association, u bah Stalyne H. Diengdoh, u bah S.S. Marbaniang, Counsellor KJP Synod Sepngi Urban Mission lem bad kiwei de ki riew rangbah.
Ha ka jingïalehkai paralok ka Mawkyrwat Driver’s & Owner Association ka la jop da 3 – 1 kol pyrshah ia ka Western Pastor United.
