Shillong Jylliew 24: Ka Ophis Sub Divisional Officer Pynursla Sub Division ha ka 23 tarik Jylliew 2026 ka la pynmih ia ka jingpynbna ba donkam ban pynbeit ia ki lynti iaid ki kali na ka bynta ki paidbah kiba ju leit jingleit lyngba ka surok Laitlyngkot-Lyngkyrdem ba la dkut hynnin ka sngi u Blei.
la pyniaid thymmai na ka bynta ki kali ba ki dei ban iaid na Laitlyngkot sha Iew Mawiong, Umthli, Nongthymmai, Laitkynsew NH Point
Ha ka por mynsngi yn khang ban iaid naduh ka por 10 baje mynstep haduh ka por 4 baje janmiet, katb aha ka por mynmiet yn khang ban iaid naduh ka por 10 baje mynmiet haduh ka por 5 baje mynstep.
Na ka bynta kiba iaid ha ka surok Laitlyngkot – Pomlum yn shah tang ia ki kali rit, hynrei na Pomlum sha Mawlieh yn shah ban iaid ia baroh ki jaid kali ba kynthup ki kali ba rit ne ba heh ruh kumjuh.
Yn shah ban iaid na ka surok Laitlyngkot-Lyngkyrdem haduh ka por 10.30 mynstep namar hadien kane kan don ka jingshna ia ka suok da ka company.
Namar ka jinglong jingman ka bym shngain bad ka jingjur slap la ai jingmut ia ki nongleit nongwan ban bud ryntih ia ki jingbthah ban ban kiar ban leit jingleit khlem da don ki kam kiba kham long kyrkieh ha ki por ba jur ka jinghap slap bad khamtam ha ki por mynmiet.
Ia ki kali kit nongpang, ki kali pynlip ding, bad ki kali pulit yn shah ban iaid ha kine ki kynta ba la khang bad ki lah ruh ban pyntip sha ka Pynursla Police Station ha u Number 9862251116 khnang ba ki bor pyniaid ba don ha kitei ki jaka kin ioh peit bniah.
