Mawkyrwat Jylliew 23: Halor ka jing mih ar tylli ki khynhun kiba leit dawa iaka C& RD Block ha ki thaiñ Shiliang um jong ka wah Rilang kaba hap hapoh jongka South West Khasi Hills District ka wei ka kynhun kaba dei naka thaiñ Mawsaw Block demand Committee bad ka wei naka bynta ka thaiñ Warsan Lyngdoh ha kaba kine ba roh artylli ki komiti kidon shisha iaka nomgrim kaba bha tam ban dawa ban ioh noh la ka jongka C&RDBlock ha ki thaiñ Shiliang um, hynrei lada kine ki ar tylli ki khynhun kim ia sngewthuh jingmut kin ia iaid laka jong ka lynti kan shem jingeh iaka sorkar ban ai iakata ka C&RD Block ba thymmai hapoh ka South West Khasi Hills District kumba naka liang ka sorkar kala pynsngew teng ha kine ki bnai ki snem bala dep ban ynsa ai ka wei ka Block hapoh ka District,
Namarkata naka liang u bah Bokstone Thongni president jong ka Synjuk ki Rangbah shnong Nobosohphoh Syiemship ha rynkat daka jing ia donlang ki riewrangbah u buh ka jingkyrpad ia kine ki ar tylli ki Komiti kiba dawa iaka C&RD Block ba kin ia sngewthuh jingmut lang baroh arliang khnang ia kane ka C&RD Block kan ymdon kino kino ki jing eh bad ki jingthud hadien habud namar ngi sngewthuh shai ba baroh ki paidbah ki thrang dik dik ban ioh noh sa ka wei ka C&RD Block ha ki thain Shilliang um jong ka Wahrilang.
