Shillong Jylliew 08: U Sandeep Sharma u nongïalehkai ka Meghalaya u la wanrah ïa ka burom ïa ka ri India da kaba khur ïa ka takma ksiar ha ka Snatch Half Marathon 24kg jong ka Kettlebell World Championship 2026, kaba la long ha Chisinau, Moldova, naduh ka 4 haduh ka 7 tarik u Jylliew 2026.
Haba jingiakop kaba 74kg haduh 87kg+bodyweight, u Sharma u la ialehkai bha ban pyndep ia 300 tylli ki jingïalehkai ha ka 30 minit, kaba la tam ïa ki 228 tylli ki jingïalehkai ba la lah ba la long ha Italy ha u snem ba la dep.
Ka Kettlebell Snatch Half Marathon ka dei kawei na ki jingïalehkai kaba donkam bha ha kaba ki nongialehkai ki hap ban bteng ban rah ia ki nar jingkhia haduh 30 minit.
Kane ka takma ksiar ka long kaba kongsan bha ha ka jingim jong u Sharma, namar ka dei kaba nyngkong eh kaba u la khur ha ka World Championship bad ka dei ka takma kaba lai ha ka jingleit shim bynta jong u. Kham hashwa u la khur ia ka takma rnong ha ka World Championships ha Hungary ha u snem 2023 bad Poland ha u snem 2024. Ha u snem 2025, u la duh ban khur takma hadien ba u la wan basaw ha Italy.
