Shillong Jylliew 30: Ki paidbah naduh ki samla kynthei bad shynrang kiba ieid football ha ka miet jong ka 29 tarik jylliew 2026 ki la ia tuid ban wan sha Polo Parking SRGT ban wan sakhi da la ki jong ki khmat ban peit football ha ka screen kaba heh .
La sakhi ba ki paidbah kiba wan peit football lyngba ka screen ba heh ha fan park ha polo ki la ia tuid haduh ba ka jaka ka la khapngiah .
Ka jingialehkai ha ka por 10 shiteng mynmiet ka dei hapdeng ka Brazil pyrshah ia ka Japan bad ka jingialehkai ka long kaba shongshit bha namar kine baroh ar tylli ki ri ki dei kiba ia khait bha ka jinglehkai .
Ha kane ka jingsakhi ban peit football ki nongkyrshan kiba wan sakhi ha Polo ruh ki long kiba shongshit bha namar ka Brazil ka ioh ban pynphai shi goal ia ka Japan hynrei kaba pynshongshit bha ia ki nongkyrshan ka Brazil ka dei namar ha ka minit kaba khatduh ka Brazil ka la lah ban thep bad tam shi goal bad jop syndon.
