Mawkyrwat Naitung 14: Kawei ka Longkmie kaba tip kyrteng ka kong Snity Wahlang 56 snem na ka shnong Pyndenumsaw, South West Khasi Hills District ka la khlad noh hadien ba ka shah dung da ki tiar ba nep ha u Bailing Wahlang 62 snem uba dei u hynmen jong ka bad uba la shah kynnoh ba u donkti ha katei ka kam.
Katkum ka tyllong khubor na ki pulit la ïathuh ba katei ka jingjia ka la jia ka step jong ka 14 tarik u Naitung 2026 ha ka por kumba 6:30 eiei bad ïa ka kong Snity Wahlang kaba la mynsaw jur la lap da ki paidbah shnong ha kaba mar mar ki la pynkit noh ïa ka sha Civil Hospital, Mawkyrwat, hynrei ynda la poi ha jaka sumar u dokto u la pynbna ba ka ladep khlad lypa.
Shuh shuh la ïathuh ruh ba bah Bailing Wahlang hadien ba u la leh ïa kane ka kam runar u la phet bad haduh mynta ki pulit ki dang thwet ban ïoh kem ia u
Ha kaba ïadei bad katei ka jingjia u secretary shnong Pyndenumsaw u la ujor da ka ejahar bad hadien kane, la register ïa ka case hapoh Mawkyrwat Women P.S. Case No. 12/2026 hapoh Section 103(1) jong ka Bharatiya Nyaya Sanhita (BNS).
