Ïaw Musiang Risaw 9: Ka Hynniewtrep Youth Development Council (HYDC) mynta ka sngi, ka 9 tarik Risaw 2026, ka
la pynlong ïa ka jingïalang ban pynsmai ïa ki nongkitkam ba thymmai jong ka seng ha West Jaiñtia Hills District. Kane ka jingïalang bad ka jingsmai ka la long ha Tympang Club Hall, Iaw Musiang.
Ha kane ka sngi, ïa ki nongkitkam ba thymmai la pynsmai da u President ka HYDC, u Bah Raiwan Sohtun, ha ka jingdonlang ki dkhot jong ka Central Executive Committee (CEC) ka
seng.
Ki nongkitkam ba thymmai jong ka HYDC West Jaiñtia Hills District ki long kumne harum:
1. President: Bah Firmly Ryngkhlem
2. Vice President: Bah Richard Sngnah
3. Secretary: Bah Martin Ryngkhlem
4. Assistant Secretary: Bah Niwan Myria
5. Finance Secretary: Bah Lambok Dkhar
6. Sports Secretary: Bah Donlang Tangliang
7. Social Secretary: Bah Pynshaiborlang Dkhar
8. Labour Secretary: Bah Beginning Sumer
9. Education Secretary: Bah Deniki Muthleng
10. Agriculture Secretary: Bah Roimi Ryngkhlem
Ka seng ka pynpaw ba ka jingpynsmai ïa kine ki nongkitkam ka long ka sienjam kaba kongsan ban pynkhlaiñ ïa ka jingtreikam jong ka HYDC ha West Jaiñtia Hills District, khnang ba ka seng
kan lah ban pynïaid shaphrang ïa ki kam kiba ïadei bad ka bha ka miat jong ki samla, ka jingïada ïa ki hok jong ki paidbah, ka jingpynroi ïa ka pule puthi, ka kam ïalehkai, ka rep ka riang, ka kam bylla bad ka jingïarap ïa ka imlang sahlang.
Ka HYDC ka khmih lynti ba ki nongkitkam ba thymmai kin trei shitom, kin long kiba don ka jingkitkhlieh bad kin trei ryngkat lang bad ki dkhot ka seng bad ki paidbah ban pynurlong ïa ki
thong bad ki jingthmu jong ka seng.
Ka seng ka ai khublei ïa baroh ki nongkitkam ba thymmai bad ka kyrmen ba kin pyndep hok ïa la ki kamram ha ka jingshaniah bad ka jingkitkhlieh, da kaba buh hakhmat eh ïa ka bha ka miat
jong ki samla bad ka ri.
