Shillong Oct 3: Hadien kato katne por ba ki dkhot jong ka KSU ki la teh ia ki banner ha Kynroh jong ka Ophis u SP bad ruh ha ki kyrdop ka Main secretariat ki Pulit ka East khasi hills ki la wan ban weng noh ia kine ki banner.
Ki banner kiba wan ha khynroh ka ophis u SP bad ha khyrdop ka Secretariat kiba thoh pyrshah ia u SP ka East Khasi Hills u Bah Vivek Syiem bad ia u Bah Prestone Tynsong ban pyrshah halor ka jingdon ka jingdawa pisa beain da ki pulit ïa ki draibar trok ha surok bah ha Mawkhanu bad Thangshalai.
Haba poi Kyndai Lad katba ki dkhot jong ka KSU ki dang teh ia ki banner ki Pulit tar bad lum lut ia kine baroh.
Ka jingwan tar jong ki Pulit ia ki banner ka pynlong ia ki dkhot jong ka seng ban teh biang sha shi sien ha khyndai Lad, katba ki Pulit bad ki CRPF ki shu peit kai ia ka jingteh jong ki dkhot ka KSU ia ki banner.
Ki dkhot ka KSU hadien ba la dep ban teh biang ia ki banner ki la iaid sawdong ban peit la ki la shah weng biang ne em bad ap ruh shiphang ioh ki Pulit kin wan ban tar biang. Hadien kato katne por ki dkhot jong ka KSU ki la leit noh.
Ha kine ki banner ba la teh la thoh “Bah Vivek phi la shong slem palat ha ka juh ka Disctrict sngewbha da leit teng keiñ sha ki wei ki Disctrict ruh bad to leit teng noh sha Garo hills.
Ha kane ka sngi ki dkhot jong ka KSU ki la leit ban teh ia ki banner ha Kylleng sawdong ka Nongbah Shillong
