Shillong Risaw 4: U wei u samla u la khlad hashen ha kawei ka jingjia aksiden ka ba la jia ha ka bynta jong ka Bypass kaba leit sha Baniun, ha kaba la ia tyngkhuh 2 tylli ki kali bad kawei ka scooty.
Ki kali ba ia tyngkhuh kawei kaba don ïa u registration number AS 01 RC 7418, kawei pat kaba don ia u registration number AS 01 FB 1385 bad kawei ka scooty kaba don ïa u registration number ML 05 X 1884.
Katkum ka khubor ba la ioh lum, la iathuh ba uwei u samla ba shong ha ka scooty u la mynsaw jur, katba uwei pat u la khlad noh ha shen.
Hadien ba la jia katei ka jingaksiden, ki briew kiba don ha katei ka jaka ki la pyntip mar mar sha ka 108 Emergency Service, bad la pynkit ia uba mynsaw sha hospital ban ioh ia ka jingsumar.
Ha kajuh ka por, ki Pulit na Mawngap Police Station ki la wan poi sha katei ka jaka ba jingaksiden ban pynlong ia ka jingtohkit bad ia ka met jong utei u samla la shimti da ki pulit ban leh ia kaba donkam
