Mawkyrwat Risaw 03: u MLA/MDC ka Ranikor u bah Pius Marwein haba kren halor ka surok Wahkaji, Phlangdilon sha Ranikor kaba dei ka surok kaba ki paidbah kane ka thaiñ ki donkam eh na ka bynta ban pynjan ïa ki paidbah kane ka thaiñ bad ki tnat sorkar bapher bapher kum ka ophis Block , Civil sub Division bad kiwei kiwei ki tnat sorkar kiba don ha Ranikor namar kumba long mynta ki paidbah ki hap ban iaid lyngba ka Mawkyrwat Nongnah ban poi sha Ranikor.
Na ka liang u bah Pius Marwein , MLA bad MDC ka Ranikor Constituency u la kular ia ki paidbah na kane ka surok kan sa urlong hynrei ki paidbah ki donkam ban iaishah namar kadei ka skhim kaba heh kaba kot kumba T.200 klur tam , ia kane u Bah Pius Marwein u la kren ha ka jingïalang pynkup burom ia ki 8 tylli ki shnong ba la pynlong da ka tnat PHE Mawkyrwat ha Wahkaji .
U la ïathuh ruh ba tang hapoh u bnai Nohprah jong u snem 2025, ka sorkar jylla ka la theh ia ki skhim haduh kumba T. 600 klur tam tang hapoh ka Ranikor Constuitency, ka surok na Phlangwanbroi sha Ranikor bad ka surok na Nongjri sha Maweit.
Ha kane ka sngi na ka liang u Sordar Wahkaji u Bah Phailan Lyngdoh u la ai ka jingiaroh ia u bah Pius Marwein, MLA/MDC ka Ranikor Constuitency ia ka jinglah jong u ban poi h man la ki por ba ki paidbah ki donkam ia u.
