Shillong Naitung 27: Ka State Diaster Response Force Meghalaya, ka la lap noh ia u briew uba jah rngai uba dei na Phra Mer Myliem hadien ka jingwad naduh ka 22 tarik u Naitung.
La lap nyngkong ia une u briew da ki nongshong shnong na ka Wahniangleng ha ka 25 tarik Naitung hadien ka jingwad ia u naduh ka 22 tarik naitung bad ki la pyntip sha ka SDRF. Ka jingpyrshang ban ioh sei ia ka met jong u ka la long kaba jwat haduh katta katta namar ka jingkhlain jong ka um, bad la pynsangeh shwa ha katei ka sngi hynrei ha ka sngi ba bud ka 26 tarik ka kynhun ka la ioh ban sei noh ia ka met ha ka por 7:10 mynstep.
Une u briew u la jah rngai naduhh ka 22 tarik naitung bad hadien ka jingioh jingtip ka SDRF ryngkat ka jingiatreilang bad ki pulit ka Mawngap bad ki nongshong shnong ka Laitkroh bad phra mer ki la sdang ban wad ha ki jaka riat bad ha bynta ka Wahniangleng da ka jingiarap lyngba ka Rubber Inflatable Boat naduh na ka Dam Mawphlang.
- Ha ka 23 bad 24 tarik ki la wad ha ki bynta ka dam Mawphlang shaduh sha Wahniangleng hynrei ki khlem lap satia dei ha ka 25 tarik ba ki nongshong shnong ki la lap ha ki bynta ba khim hapoh ka wah tat haduh ba da ioh sei hynnin ka step.
