Shillong Jylliew 05: Ka Meghalaya Pradesh Congress Committee ka la ujor da ka ejahar ha Sardar Police Station pyrshah ia uwei u rangbah ba kren pynthoh bria ia ki nongialam bad ia ka party Congress .
Haba kren sha ki nongthoh khubor ka Kong Joplin Shylla State President ka Meghalaya Mahila Congress Committee ka la pynpaw ba ka party ka sngew kyndit ban iohi ba uwei u rangbah u la kren beiñ ia ka Congress lyngba ka youtube channel kaba la ai kyrteng KA JINGSHISHA THE TRUTH.
Ka la iathuh ba utei u briew u ba la ithuh kyrteng kum u Ronnie Rani u kren beiñ laiphew jait ia ka party khamtam lei ia u Bah Vincent H Pala u ba la shah khot ba u dei u Bseiñ ne u Thliem bad u la kynnoh ruh ba u dei u nongpynpait pynpra ia ka party Congress.
Ka Kong Shylla ka la kynnoh ba utei u briew u la pynjah burom ia ka party bad ia ki nongialam jong ka party Congress Meghalaya.
U Bah Kynpham V. Kharlyngdoh u ba long kum u Chairman State Legal Team, u la ong ba kane ka por ba utei u Rangbah u kynthoh ia ka party bad ki nongialam ka party ka dei artad ka por ilekshon khmtam lei u Bah Vincent u dei u kyrtong ilekshon MP shiteng samoi, kam sngewtynnad namar bun ki nongshim kabu.
U la iathuh ruh ba ka party ka la ia kynduh ruh ia u SP ka East Khasi Hills District ban un shimkhia ban thwet ia utei u briew u ba pyrshang ban pynbud nam ia ka Congress.
