Mawkyrwat Jylliew 05: Ha ka 4 Tarik u Jylliew 2026 ki paid nongiaid nongieng ki la lap ia ka wei ka met iap kaba per ha sla um ha Wah Kynshi.
Ki pulit ka South West Khasi Hills ki la ioh jingtip halor kane ha ka por kumba 2:15 pm na ki paidbah kiba iathuh ba ka wei ka met iap ka per ha sla um ha wah Kynshi, ha Ranikor Borbasing bridge,Rilang(Ranikor).
Na ka liang ki pulit ka Ranikor PS ki leit mar mar sha kane ka jaka bad lap ba ka met jong u wei u briew ka per sha sla um.
Ïa kane ka met la tan noh sha rud ha ka jingsakhi lang u Rangbah Shnong ka Rilang bad ki wei de. Ia ka met une u briew la pynkit noh sha Ranikor CHC.
Ki pulit ki la ujor mukotduna halor kane ka jing lap bad ka jingtohkit ka dang iaid sha khmat.
