Mawkyrwat Jylliew 25: Ki pulit ka South west Khasi Hills District hadein ba ki la ioh ia ka ejahar na ka kong Balapynhun Nongrum, ba shong ba sah ha ka shnong Mawkyrwat, South West Khasi Hills District, Meghalaya, da kaba suba ba ka Para Ka khlad da kaba shim ia la ka jong ka jingim ha ka 19 tarik u Iaiong 2026 ha ka por kumba 6:40 PM na ka daw jong ka jingshah ialam bakla , ka jingbyrngem da u wei u briew uba la byrngem ban pyllait paidbah ia ki dur, ki video lyngba ka Whatsapp bad Instagram.
Na ka liang ki pulit ki la deo ban registar case ha Mawkyrwat Women Police Station Case No. 04/2026, U/S 77/79/351(3)/108 BNS, R/W Sec. 66E/67A IT Act bad ka jingtihkit ki la iaid sha khmat kloi kat ba lah.
Ha ka jingtohkit , une u briew uba la kynnoh ba u don kti la lap ba u dei na Surat District, Gujarat, bad la kem noh ia u ha ka 23 tarik u Jylliew, 2026 ha ka por kumba 2:30 PM da ka kynhun jong ka South West Khasi Hills District Police lyngba ka jingiarap jong ka Palsana Police Station, Surat District, Gujarat.
Une u briew uba la shah kem la tip kyrteng kum u Sachin Nishad (22yrs) S/o. Yogendra Nishad R/o. 687,Bhidoor, AmbedkarNagar, UP-224155, PS-Baskhri.
Ia une u briew la rah sha iingbishar hynne ka sngi bad na ka liang ka iingbishar ka la ailad ia ki pulit ka Jylla Meghalaya lyngba u Learned JMFC, Surat.
Na ka liang ki pulit ka District ki kyntu ia ki paidbah , khamtam ki khun samla ki ba shah ialam bakla lyngba kine ki rynsan social media ba kim dei ban shu sngap jar hynrei ki dei ban wan sha khmat ban pyntip sha ki bor jong ka ain, ki Pulit kin ym shong kli kti hynrei kin shim ki lad ki lynti ban the lakam ia kum kine ki jingjia mardor.
Shuh shuh ki pulit ki la kyntu ia ki paidbah ba lada ki lap ia kum kine ki dei mar dor ban pyntip lyngba kine ki number harum.
* Emergency Police Assistance: 112
* Cyber Crime Helpline: 1930
* National Cyber Crime Reporting Portal: www.cybercrime.gov.in
* Women Helpline: 181
* District Police Control Room: +91-8415886486
* Mental Care Helpline: 14410
* District Mental Health Helpline Number: +91- 9612889267
