Da bun kynta sah kut ki nongwan jngohkai ba tan ia ka trok ba noh sha riat Wah Umngot

Shillong Risaw 06: Kawei ka kali Damper, kaba la hap shapoh ka Riat Wah Umngot, marjan bad ka jingkieng Dawki, naduh ka 17 tarik u Nailur 2026, la lah ban tan noh hynnin ka janmiet jong ka sngi U Blei, ka 05 tarik u Risaw 2026.
Kane ka jinghap katei ka damper, ka la poi sha ka ar taiew tam eiei, ha kaab ym shym la lah ban tan satia bad dei tad haduh hynnin ka sngi ki sa lah ban tan noh.
La ioh jingtip ba ia katei ka kali Damper, la sdang ban tan naduh ka por 4 baje eiei janmiet haduh ka 10 baje mynmiet, da saw tylli ki kali khwai.
Katkum ki khubor ba la ioh lum ka ong, ba ki paidbah bad ki jingwan jngohkai pyrthei, ki la mad ka jingeh shibun namar ka jingsahkut kali kaba da ki kynta ha kitei ki bynta, namar ka jingiakhun ban tan ia katei ka damper.
Nalorkata, la ioh jingtip ruh ba u nongniah ia katei ka damper, u la rynsied kynsan mar shu kylla sha riat bad u la sahkut ha shiteng jong katei ka riat, ha kaba u la mynsaw jur, hynrei kaba sngewsih ka long ba u la khlad noh mar shu poi ha jaka sumar.