Shillong Nailar 01: Ka ding kaba klang ka la bam duh ia bun tylli ki longiing ha Rilbong, ha kaba ki pulit pynlip ding mar iatip ia kane ka jingjia ki la her wut ban the lakam bad ban ym sa phriang sha ki wei pat.
Kat kum ka tyllong khubor kaba la ioh lum la iathuh ba kane ka jingpluh ding ka la jia ha ka por kumba 3:30 PM, bad ha kane ka jingjia ym shym la don mano mano ruh ba mynsaw.
Haba ia kren bad u MLA ka South Shillong u bah Sanbor Shullai uba la wan poi ha kane ka jaka u la iathuh ba u la ioh jingtip hadien ba u la mih na iing iap briew bad mar mar u la wan sha kane ka jaka.
U la iathuh ruh ba ha ka jingkylli ka jong u na ki trai bad ki khun kiba sah hangne ki la iathuh ba ka dei na ka daw jong ka jingthud ka bording, kane ka jaka ka dei ruh ka jaka kaba ki ri Masi bun na ki dieng ruh kiba la rim ka ding ka klang mar mar.
U bah Shullai u la iathuh ba u la dep ban pyntip ruh sha ki bor ba dei peit halor kane ka jingjia, kaba sngewtynnad ka dei ba kam don kano kano ka jingjia ba sngewsih bad shiteng na kane ka jaka kim shym la shah ktah satia.
Shuh shuh u la iathuh ba Lai tylli ki Tyndong shet jingshet ki la bthei, u la iathuh ruh ba ki iingbaroh ki don kumba 6 ne 7 tylli ki longiing hynrei ki bynta kiba shajrong pat ki khlem shah ktah.
U la iathuh ruh ba kane ka jaka ka zik zak road rilbong ka hap hapoh ka jingpeit jong ka dorbar shnong Kench’s Trace and Rilbong
