Shillong Risaw 5: U MLA ka North Shillong u bah Adelbert Nongrum ha ka 5 tarik u risaw 2026 ha ryngkat ki nongialam shnong ki la leit ban ia kynduh ia u bah Prestone Tynsong bad aiti ia ka memorandum bad ki kot kiba u la lum jingtip ban pan ia ka jingtohkit kaba laitluid da ka Central Bureau of Investigation jong ka sorkar pdeng halor ka jingkhynra jong ki pulit shiteng miet ha ka thain Jaiaw ha ka 19tarik nailar 2026.
Haba ia kren bad ki nongthoh khub or hadein ka jingiakynduh ia u bah Prestone u bah Adelbert Nongrum u la ong ba u ai burom ia ka sorkar ba ka la thaw iaka SIT tangba kane kam pat biang, ha kaba na ka liang jong u, u la dawa da ka CBI namar kumno u pulit un tohkit ia u Pulit.
U la bynrap ruh da kaba ong ba ka jingjia kaba ka jia ka jingsiat pathar da ki Tear gas ka la ktah ia ka shong ba shah ha kato ka thain, ia ki iing ki sem, ha kaba na ka liang ka jong u, u la leit ban ia kynduh ia kine ki long iing.
Shuh shuh u bah Nongrum u la ong ba kaei kaba la jia ha ka miet 19 tarik u Nailar ki briew ki ba ngim tip bad ithuh ki la wan ngim lah ban ong ba ki die ki pulit ne ki briew kiba leh kum ki pulit, namar ki ba bun kiba wan ha kato ka miet kim don ha ki uniform, ki mask ia lade bad kim don ka kyrteng kane ka long beain bad pynkhein ia ka ain jong ki pulit.
Kine ki briew kiba wan ki wan ruh da ka kali ki pulit bad ngim tip la ki dei ki pulit ne kim dei. Kum kane ka jingjia kam dei ban jia shuh bad ka jingjia ka dei ban pynbha. Sngewnguh ba kam shym la don kano kano kan jingjia ba sngewsih.
U la ong kaba pynbitar ka dei ka jingwan shiteng miet hadien ba ki la Kem ia ki nongialam ka KSU haiden ar ne lai kynta kine ki briew ki la wan, ka ei ka jingthmu kaba ki wan sha ka ophis trei kam jong ka KSU kaba ha saw dong jong ka ki don ki iing ki sem, ki pulit ki dei ban pyntrei kam ia kita ki jingtip ka jong ki bad ker sawdong ia kato ka jaka .
U la ong kum u MLA u dap da ka jingdom ban iohi ba kum kine ki jingjia ki iai jia, ha kaba ki nongshong shnong ki shem jynjar ban ring mynsiem, kane ka long pynshah ia ka hok longbriew man briew, na kata ka daw ban lap ia ka jingshisha u dawa ba dei ban pynlong da ka jingtohkit CBI.
U la buh jingkylli ruh ba kymno mynsing ym don pulit ban pahara ia ka rally jong ka KSu katba ha ka rally jong ka wei ka seng sain pyrthei ki pulit ki la ker kut bad peit ia ka iaid ka ieng, u la buh jingkylli ba ha ka rally ka KSU ym don kiba pahara mynsngi katba mynmiet pat ki tur sha ki jaka sah kiba ki khyllung, ki khynnah, ki tymmen ki hap ban mat bad nangne sha khmat lada ka don kano kano ka jingjia ka sorkar ka dei ban shim ia ka jingkit khlieh.
Ia kane ka memorandum bad ki kot kiba u la lum jingtip u bah Adelbert u la aiti sha ki katto katne ki bor ba ha khlieh duh, kynthup ia u myntri rangbah ka jylla, u symbud myntri rangbah ka jylla, ka director general of police , sha ka National Human Rights Commissions bad sha ka Meghalaya Human rights commission
