Shillong Naitung 2: Ka sorkar Meghalaya ha ka sngi palei ka la ujor sha Supreme Court ban pynsangeh mardor ia ka jingioh jamin ka Sonam Raghuvanshi, ka briew kaba donkti ban shim ia ka jingim jong u lok jong ka u Raja Raghuvanshi, ha ka por ba ki wan honeymoon ha Meghalaya.
U Nongiasaid aiñ u ba mih khmat ia ka Jylla u Tushar Mehta u la kyntu ia ka apex court ban sngap noh kloi a kane ka mat katba lah bad ban pynsangeh noh ia ka hukum ba ai jamin, da kaba ong ba kane kaba shah kynnoh ka lah ban kiar na ka aiñ lada pyllait.
Ia kane ka jingkyrpad la wanrah ha ka khmat ka vacation bench kaba kynthup ia u M. M. Sundresh bad Sheel Nagu, kiba la mynjur ban peit ia kane ka jingkyrpad jong ka Jylla na ka bynta ban don ka jingsngap ia ka ha ka sngi thohdieng.
Ka Sorkar Jylla ka la iasaid ba kane ka jingioh jamin jong ka Sonam ka dei halor ka nongrim ba ka jingkem ia ka Sonam kim shym la ai ka jingtip kaba bniah sha ka ha ka por ba ki wan kem.
Shuh shuh u la iathuh ruh ba ka don ka jingma ba ka Sonam ka lah ban phet rieh lada ka order ba ai jamin ka dang trei kam bad kyrpad ia ka Supreme Court ban tuklar kloi kat ba lah.
Ka jing kyrpad sha ka Supreme Court ka dei hadien ba ka Meghalaya High Court ka la pynneh ia ka rai jong ka Shillong trial court kaba ai jamin ia ka Sonam.
Ka Sonam Raghuvanshi, ka nongshong Shnong jong ka Indore, la kynnoh ba ka don kti lang ban pyniap ia la u jong u lok u Raja Raghuvanshi, ha ka por ba kine ki shi jur ki dang wan honeymoon ha Meghalaya.
