Shillong Nailur 29: Ha kawei ka jingjia ba sngewsih kaba la jia hynnin ka sngi nyngkong kawei ka kali ECCO kaba don ia u registration number AS01TC 6015 ka la kem ding na ka jinghap kynsan u sainar light uba dang meh ding haba ki la poi ha ka shnong Pyrtakuna katba ki dang wan na Lad Rymbai ban leit sha Assam.
Ki pulit ki la iathuh ba ki don 2 ngut ba shong hapoh katei ka kali katba uba niah ia ka kali u la lait phet katba uwei pat u la shah bat light bad iingkhong na ka jingkem ding ka kali. Ia uba niah ia ka kali uba la lait phet ym pat shym la tip shano u don.
Ia ka met jong utei u briew ba la iingkhong la rah noh sha Khliehriat Civil Hospital bad la buh noh ha ka kamra buh metiap ban leh ia kaba donkam.
Ki pulit ki la iathuh ba na ka met utei u briew la lap ia ka Epic, Aadhaar card bad udei uba kyrteng u Riyaj Uddin na Mamadpur, Madammohan, Karimganj, Assam. Ki pulit ki dang pyrshang ban pyntip sha ki bahaiing hasem jong u.
