Shillong July 21: ka Khasi Student’s Union Laskein Circle hynne ka sngi ki la leit ban ia kynduh ia u Director of School Education and Literacy ban pan jingshai halor ka jingdon ka jingthung kam nonghikai ha ka subjek History ha ka skul Sawlyngdoh Higher Secondary School.
Haba ia kren bad u Bah Leningrad Tariang President KSU Laskein Circle hadien ba ki la dep ban ia kynduh ia u Director u la iathuh ba ka Sawlyngdoh Higher Secondary School ka la pynbna lait kam ha ka subjek History bad ha ka 15 tarik u Nohprah 2025 ki la pynlong ia ka Interview hynrei kaba phylla pat ka long ba hadien ka Interview kim shym la pynmih ia ka result, hynrei la shu khot kyrpang ia I wei I kyrtong ba them kam bad kaba sngewphylla shuh shuh ba ita I kyrtong iba ki jied I khlem kot ia ka percentage ba la buh haba ki khot ia ka interview.
U la ong ba hadien kumba shit eng snem kala don ka ujor sha ka seng bad haba ki la tohkit bha ki la lap ba ka la don ka jing bym khuid haba ki jied ia kane ka kam nonghikai, na ka liang ka seng kaba peit kia ka pule puthi ha ka jylla kam lah ban shu sngap ka la wan ban nia kynduh ua u Director ban pan jingshai halor kane. U la iathuh ruh ba na ka liang u Director u la tip haba ia dei bad kane ka kam bad kular ban shim khia mar mar ia kane ka kam namar ka dei na ka bynta ka lawei jong ki samla pule kiba pule ha kane ka skul ba kin ioh ia ka jinghikai kaba biang.
U la bynrap da kaba ong ban jied ia ki nonghikai ki bym biang ban hikai kan long ka jingduhnong kaba khraw. Na ka liang u Director u la kular ban shim khia ia kane ka kam bad ki dei ban jied da kiba dei hok ban ioh bad lada kita kiba shah jied ruh lada kim wan ha ka por kaba biang ki lah ban khot interview biang bad ban leh da kaba thymmai.
Na ka liang ka seng ka maham jur ia ki briew kiba sngew donbor la ki dei ki politician ne kino kino kiba sngew ba ki lah ban thungkam bad thung da ki briew ki bym kot ban long ki nonghikai ka seng kan ym ai lad satia bad kan sa iai buddien ia kane ka kam.
