25 % na ka jingdon ki Nongshong Shnong ha ka Jylla ki dei ki khyllung kiba naduh 0-8 snem.

Shillong Naitung 23: Ban sngewthuh kham bha halor la phang “ Care Economy” ka Ophis jong ka Directorate of Social Welfare,ha ka jingiatreilang bad ka Department jong ka Sociology, Shillong College, ki la pynlong ia ka jing ai jinghikai halor ka phang “Creating a Well-Functioning Care Economy” ha Shillong College.
Haba kren ha kane ka sngi na ka liang u Additional Chief Secretary jong ka sorkar Meghalaya u Dr. Sampath Kumar, IAS, u la pynpaw ia ka thong ba ka sorkar ka don khamtam haba ia dei bad ka Imlang ka sahlang, bad ban pylleit jingmut haba ia dei bad ka jingsumar bad ka jingai jingkyrshan ha man ki bynta jong ka jingim naduh ba dang kha haduh ban da tymmen.
U Dr. Kumar u la ong iathuh ba ha ka jylla Meghalaya kumba 25 per cent na ka jingdon ki nongshong shnong ki dei ha ka kynhun kaba 0–8 snem, kaba pynlong ia ka sorkar ban thaw ia ki lad ki lynti bad ban shim khia bha.
U la batai halor ka jingdonkam jong kane ka “Care Economy” , u la ong ba ngim dei ban peit ia kane kum kata ka lad ban ioh kam ioh jam hynrei ban peit ba ka jingpynlut ka ban sei soh ha ki snem ki ban wan. U la batai ruh ba ka don kam ia ki khynnah ki barit ban ioh ia ki jingbam kiba tei met, ka pule puthi kaba biang ka ban dei ka jingsei soh kaba bha ha ki snem ki ban wan bad kan long ruh ka lad ban kyntiew ha ka ioh ka kot.
U Dr Kumar u la ban jur ba ki longkpa ki don ka bynta kaba khraw bha na ka bynta ka jingsan jong ki khun ki kti. U la ai mynsiem ia ki longkpa ban pynlut ia ka por ka jong ki bad ki khun ha ka por ba ki dang rit namar dei ha kine kip or ba ka bor pyrkhat ka jong ki ka dang bat bha.
U la ong ruh ba ka sorkar Meghalaya ka la shim ia ki sienjam kiba biang bha haba ia dei bad ka Care Economy ha kaba bun na ki samla na ka jylla ki la trei ia kane ka kam ha ki wei ki ri jong ka pyrthei, u la iathuh ruh ba ka sorkar ka ai jinghikai ia ki samla pule kumno ban peit khun ha kip or kiba dang rit khnang ba kin lah ban sdang ia ki kam ki jam jong ki ban tei ia ka lawei jong ki hep rit.
Ha kane ka sngi la ia don lang ruh da u Commissioner and Secretary jong ka sorkar jylla u Pravin Bakshi, IAS; ka Director jong ka tnat Social Welfare, ka Saloni Verma, IAS; u Dr. C. Joshua Thomas; ki ophisar sorkar, ki nonghikai ka Shillong Collage , ki khynnah pule bad kiba la shah khot sngewbha.