Shillong Jylliew 14: Ha ka step jong ka 14 tarik jylliew 2026 ha ka por 6 baje mynstep la lap ia ki artylli ki met iap ha Jingkieng Nongthymmai ha ka wei ka dukan kwai ha rud surok .
Ia kine ki metiap artylli kynthei bad shynrang haduh mynta ym pat lah ban tip ki dei kiba naei bad ki pulit ki dang don hapdeng ka jingpeit bniah ha kane ka jaka ba la lap ia kine ki met iap.
Haba ia kren bad u trai kane ka dukan kwai ba lap ia kine ki met iap u la iathuh ba la lap ia kine ki met iap da u khun jong u ha ka por 6 baje mynstep katba u mut ban leit trei hadien kata u la khot ia ki kmie ki kpa kumta ki la pyntip sha u rangbah shnong bad sha ki pulit.
Na ka liang u ne u trai dukan u la iathuh ba um ithuh ia kine ki arngut .
Katkum ka jingtip ba la ioh na u RS u Bah N Pakyntein u la iathuh ba um don jingtip eiei ia ia kane ka jingjia lane um ithuh ia kine ki arngut hynrei ka dei hadien ka jingpyntip na ki trai dukan kumta u la phun sha ki pulit
Ki pulit ka thanad Laitumkhrah hadien ba ki la dep ban tohkit lane peitbniah ha ka jaka ba lap ia ki artylli ki met iap ba la lap na Jingkieng Nongthymmai ki la rah noh sha Neigrihms Hospital ban pyndep katkum ka jingdonkam na ka aiñ.
kine ki artylli ki met iap katkum ka jingiathuh ki pulit ki dei na ka jaidbynriew hajong ha kaba u shynrang Semanto Hajong u dei na Ranikor bad ia ka kynthei Pronome Hajong ym pat lah ban tip ka dei naei .
Na ka liang ki pulit ki la register da ka UD case ha Laitumkhrah PS.
