Shillong Naitung 16: U Myntri Rangbah ka Jylla u Conrad Sangma hynne ka sngi haba kren halor u Uranium ha ka jylla, u la pynshai bad pynpaw biang ïa ka jingkular ka Sorkar jylla ban pyrshah ïa ka jingtih Uranium ha ka Jylla.
U Conrad ula pynbna ba ka Sorkar Meghalaya kan mynjur ïa ka Resolution ban khang pyrshah ïa ka jingtih Uranium ha ka jylla, da kaba pynpaw biang ba ka Sorkar kam pat ju mynjur satia ban tih Uranium.
Ka rai ba la tyrwa ka pynskhem ia ka jingkular jong ka Sorkar ban weng ia ki jingeh jong ki paidbah kiba la slem bha halor ka jingktah kaba lah ban mih na ka jingtih ia u marpoh khyndew u uranium kumjuh ia ka mariang bad ka imlang sahlang.
U la ong u myntri ka sorkra pdeng u jitendra singh u la pynthikna ba ka sorkar pdeng kam pat rai ia kano kano ka mat kaba ia dei bad ka jingtih ia u uranuim hapoh ka jylla meghalaya bad ka sorkar pdeng ka dang shu wad jingtip hynrei kam pat shim ia ka rai , kane kam shym la paw shai ha ki lad pathai khubor hynrei ki jingkren jong u ka la sngewthuh shai ba ka sorkar india kam pat shim ia kano kano ka sienjam
