Shillong Naitung 13: U Myntri Rangbah ka jylla u Conrad Sangma u la ong ba ka jingbuh ia ki khyrdop peit bniah ia ki briew ba rung bad mih ha ka jylla kam dei shuh ka mat kaba kongsan hynrei kaba kham kongsan eh ka long ban pyntreikam ia ka ban talasi bad khmih bniah.
U la ong ba kaba kongsan ka long ban don kita ki rukom treikam lyngba ka ain ban pyntreikam bad ban pynkhlain ia ka rukom talasi, kumta u la ong ba na ka liang ka sorkar ka kyrmen ba ka MRSSA Amendment kan plie lad ban leh ia kane.
Ban pyntreikam kham bha ia kata kaba ngi kwah, donkam ban pynkylla ia ka MRSSA kaba la dei ban long, ngi dang peit bniah halor kata bad kyrmen kan long kaba bha, la ong u Conrad.
