Mawkyrwat Nailur 28: Ki riew rangbah jong ka thain Langrin ki la pynrem jur ia u bah P. S. Lyngdoh halor ka jingkynthoh bym don nongrim jong u ia u MLA/ MDC ka Ranikor Constituency u Bah Pius Marwein ba udei u nongmihkhmat u bym don jingkit khhlieh ia ka dong ka thain bad u wan iuh kjat ha ka thain Wahkaji bad Plangdiloin tang shisien ha ka san snem bad ka jingkylla kaba u wanrah kam long ha ka roi ka par hynrei ban pynbieit ia ki paidbah na ka sanspah sha ka shihajar bad na ka shihajar sha ka arhajar tyngka.
Na ka liang ubah Tailinroy Nonglang , Bah Synsharbor Nongphang bad bah PF Nonglang haba kren sha ki lad pathai khubor ki la ong ba u Bah PS Lyngdoh u la shu kren kulmar bad kren lamler namar kumno kum u trai shnong trai jaka um iohi ia kita ki kam pynroi kiba u bah Pius Marwein u la wanrah ha kane ka dong ka thain bad ki la iathuh ruh ba tang ha ka thain Wahkaji bad Phlangdiloin u bah Pius Marwein u la wanrah shibun ki kam pynroi naduh ki jaka pule ki Dorbar Hall , ki surok, ki madan football bad ki skhim shimet ia ki paidbah .
Ki la ong ruh ba ha kaba iadei bad ka surok Wahkaji , Phlangdiloin Ranikor kaba ki paidbah ki la annud da ki phew tylli ki snem, naka liang u bah Pius Marwein hadien ba u la jop ia ka ilekshon u la shim khia bad buddien ia kane ka kam na ka por sha kapor ha kaba u la phah jingthoh ruh sha ka sorkar ban siangrong rong noh ia ka surok Wahkaji , Phlangdiloin haduh sdad Rilang kaba 22 km ha ka jinglut kaba 45 klur tam.
Shuh shuh ki la iathuh ruh ba namar ka jingwan ka jingiaseng Syllok ki Pastor ha u bnai Risaw 2026 ha ka Balang Presbyterian Phlangdiloin, na ka liang u Bah Pius Marwein wut wut u la pyntih thymmai ia ka surok kaba 1km tam ban pynsuk ia ki paidbah nongleit jingiaseng bad kaba sah mynta ka long sa tang ban siang rong.
Kumta kine ki riew rangbah ki la pynrem jur ia u Bah PS Lyngdoh halor ka jingkynnoh bym don nongrim jong u ia u bah Pius Marwein bad dawa ruh ia u ba udei ban wanrah ia ki sakhi satar halor ka jinGkynnoh jong u pyrshah ia u MLA
