Shillong Nailur 17: Ka Meghalaya Carom Association ka la pynlong ia ka 24th MEGHALAYA Open STATE RANKING TOURNAMENT 2026-2027 bad ia kane ka jingiakop la pyniaid da ka Jaiaw Laitdom Dorbar Carrom Club ha jaiaw laitdom indoor cum community hall ha jaiaw lumbatemon.
Ha kane ka program la plie pyrda, la pyniaid da u bah Banrapborlang Wahlang u Secretary ka Jaiaw Laitdom Carom Club ha ka jingia don ryngkat lang ki dkhot ka executive committee ka Dorbar shnong Jaiaw Laitdom, ki dkhot ka Jaiaw Laitdom Dorbar Carrom club, ka Meghalaya carom association bad ki nong iashim bynta.
Haba ai jingkren ha kane ka sngi u kongsan u bah Denzil Chen u ba dei u MDC ka 19 Jaiaw Constituency u la ai ka jingkitbok kitwriang ia ki dkhot nongkitkam bad ki nongiashim bynta ban kin lah ban dang iaid sha khmat ia ka kam ban kyntiew ia ka kam ialehkai,
Shuh shuh u la ong ba ka jingjyllei ki jingdih pynbuaid ha kine ki sngi ki la pynjot shisha ia ki jingim briew bad ka jingdon ban pynlong ia kum kine ki jait jingialehkai ka long ka sienjam ban iarap ia ki khynnah, ki samla, kumjuh ki rangbah ban wan sha khmat bad ban ia shim bynta wad ban leit mih khmat sha kylleng ki jaka la ka dei shabar ne hapoh ka jylla.
U la pynpaw ia ka jingsngewsih halor ka jingud jing nam ha ka liang ka pla tyngka kaba long kawei na ki jingeh ban jam shakhamt ban pynmih shuh shuh kum kine ki jait jingialehkai, u bah Denzil u la kyntu ia ka sorkar ban phai lem bad ai jingiarap da kaba ong ba ka sorkar ka dei ban pynduna ia ka jingbam sap bad ban wanrah ka jingkhuid ha ka liang ka pisa pilain ban pynnoh kham bun sha ki kam ia lehkai, namar ki bunbah ki nongialehkai ki long ki ba tbit bad kane kan long ka kabu ia ki ban pynpaw ia ka sap bad ban ioh ia shim bynta kylleng.
Ha kren ka sngi la ioh ruh ia ka jingkren na na u symbud kongsan u bah B Lyngdoh uba long u Rangbah Shnong ka Jaiaw Laitdom kumjuh na u Bah Ferdinand Nongkynrih u ba dei u Secretary ka MCA
