Shillong August 27: Ki Pulit ka East khasi hills district hynne ka sngi ki la khot ia 8 ngut ki nongialam ka KSU kaha u samla Pynshai Rani Asst. General Secretary, Samla Pynshai Dkhar Information and Public secretary, samla James Mawphniang, Erick Nongkynrih, Alralick Kharjana, Shaining Kharbikhiew, Cleanser Shabonge,Gery Mawlieh sha Sadar Police Station.
Haba kren bad ki Nongthoh khubor u Asst. GS ka KSU u Samla Pynshai Rani u la iathuh ba 8 ngut na ki dkhot jong ka CEC ki la ioh ia ka notice na ki pulit bad wan sha Sadar PS bld haba ki pyni ia ka notice ki Pulit kim shah ia ki ban rung.
U la ong ba ki nongialam kim kyntait ia ka jingkhot jong ki hynrei kaei kaba jia ka long ba kim shah, na ka liang ka jong ki kim don por ban ieng sah hangto bad ki mih noh ban leit pyndep ia ki jong ki kam.
U la bynrap da kaba ong ba ia ka sngi jong ngi ba phi buh ngi la pyndep sngewbha ynnai phah Notice shuh sha ki baroh phra ngut, ia kaei ka kamram kaba phi dei ban leh kum ki Pulit leh hi la ka jong ka kamram.
U bah pynshai u la iathuh ba ka jingshah khot jong ki ka dei halor ka jingjia ha ka 19 Tarik ha kaba ka la mih kumto ki jingjia .
Haba kylli kaei ka daw ba kim shah rung u bah Rani u la ong ba kim tip eiei na ka ei ka daw hynrei na ka liang jong ki, ki la pyni ia kane ka jingthoh hynrei kim shym la shah ia ki ban rung .
Na ka liang u Samla Pynshai Dkhar Information and Public secretary ka KSU u la ong ba ki dkhot jong ka KSU ki la shah khot sha Sardar Police Station kat kum ka section 94 BNSS.
U la ong ba kum ki nongialam ka seng ngi ka wan sha Sardar PS hynrei haba ngi poi hangne kim shym la shah ia ngi ban rung sha poh bad na ka liang ka jong ki kim banse ban mih noh.
Ka jingshah khot hajir ka dei kat kum ka section 94 jong ka BNSS, kaba kren ba ngi dei ban pyni ia ka list jong ki ba ia shim bynta ha ka Rally kaba la pynlong ha ka 19 Tarik u Nailar 2026.
