HA NONGBAH SHILLONG RAKHE U JP NADDA ÏA KA SNGI KYRPANG KA MARIANG

Shillong Jylliew 05: U Myntri ka sorkar pdeng uba dei peit ia ka tnat ka koit ka khiah u JP Nadda hynne ka sngi ha ryngkat ki nongialam jong ka BJP Meghalaya hynne ka sngi ki la pynlong ia ka jingthung dieng ha Golflink , Shillong shi bynta ban rakhe ia ka World Environment Day.
Haba kren bad ki nongthoh khubor u JP Nadda u la ong ba ka jingpynlong ia ka jingthung dieng ka long ha kylleng ka ri hapoh ka jingialam jong u Myntri Rangbah ka Ri Narendra Modi u ba la sdang ia ka ‘Ek Ped Maa Ke Naam’ ne ‘One Tree for Mother’.
U la iathuh ba da ki klur ngut ki nongkyrshan ka BJP na kylleng ka ri kin ia shim bynta lang ban thung dieng ha kane ka sngi bad ban ai jinghikai ruh ia ki wei ban pynneh pynsah ia ki khlaw ki btap.
U Nadda u la ong ba kane ka jingsdang ka wan rah ia ka khubor kaba jylliew bha bad wan rah iakata ka jingieid kaba khlem kut jong ka kmie bad ki kyndon jong ka mei mariang ban pynneh pynsah ia ka.
U la bynrap ruh da kaba ong ba kane ka jingai jing hikai kan ai mynsiem ia ki paidbah ban ithuh ia ka jingdonkam ban pynneh pynsah ia ka mariang na ka bynta ka lawei ban wan.
U Myntri ka sorkar pdeng u la pynpaw ia ka jingkyrmen ba kum kine ki prokram , kum ka ‘Ek Ped Maa Ke Naam’ kan long ka lynti kaba don kam bha bad dei ban pynheh shuh shuh ia ka ha kylleng ka ri. U la ong ruh ba da kane ka jingsdang ban thung dieng ki jaka khlaw ha ka ri ka la nang kiew kumba 1.1 lakh hectare man ka snem.
U la ong ruh ba lyngba ka jingiohi jngai jong u Myntri Rangbah duh ka ri u Narendra Modi kaban pynneh ia ka mariang , ka India ka thrang ban wan rah ia ka khuid ka suba, ka mariang ba jyrngam, bad ban pynneh pynsah na ka bynta ka lawei ka ban wan.