Mawkyrwat, Nailar 11: U MLA ka Mawkyrwat, Bah Renikton L Tongkhar mynta ka sngi ka 11taeii u Nailar 2026 u la buh mawnongrim ia ki ar tylli ki projek ha ka jingialang ha phyllaw jong ka Dorbar Hall Jakrem, kata, na ka bynta ka skhim Jakrem A&B Water Supply Scheme kaba la mang tyngka haduh T.15 klur bad kawei surok shnong ban pyniasoh ia kawei ka dong ba khot ka Mawbasa kaba la mang kumba T.1.40 klur bad ia kine baroh ar tylli ki skhim la mang pisa lyngba ka State Scheme.
Haba kren ha ka jingialang, u Bah Renik u la pynpaw ia ka jingkmen halor ka jingioh lad ban plie ia kine ki ar tylli ki mawnongrim kiba yn sa ioh ban pyntrei noh shen namar ba ia ka mang tyngka ruh la dep ioh.
U la ïathuh ruh ba ki skhim um ki la wan ha kane ka shnong naduh ka por u Bah Rowel kum u MLA bad kumjuh ka skhim JJM, hynrei namar ka shnong Jakrem kadei kaba la heh bad ka jingmih jong ki longïing thymmai ym shym la lah shuh ban pyndap um ia baroh ki longìing.Hynrei mynta ka jingioh ban tan un na ka wah Rilang u kyrmen skhem ba kane skhim Jakrem A&B Water Supply Scheme kan long kaba jop.
U Bah Renikton u la Pynpaw ruh ka jingkmen halor ka jingioh ia ka surok sha Mawbasa bad u la ïathuh ruh ba ka Mawkyrwat Constituency tang u bnai Lber ka la ïoh haduh kumba 14 tylli ki surok kumjuh ruh ki skhim um kiba kynthup ia ka Nongsynrieh bad Rangblang Water Supply Scheme bad kiwei kiwei.
Kumta na ka liang u Bha Renikton Lyngdoh la ai khublei kyrpang ia kane ka sorkar kaba la sngap ia ka jingud jingnam ki paidbah kane ka dong ka thaiñ ka ka bynta ban wanrah ia ka roi kapar .
Kiwei pat kiba la ai jingkren ki kynthup ia ka Deputy Commissioner, Kong A.L. Mawlong, u Chief Engineer ka tnat PHE, Bah R.S. Nongbri, u Executive Engineer ka tnat PWD Mawkyrwat Division, bad Bah Joel P. Marbanniang.
