Shillong Jylliew 04: Ka Khasi Student’s Union mynta ka sngi ka 4 tarik Jylliew ka la ioh ban iakynduh ia u myntri ka tnad kam pohiing ka sorkar India u Amit Shah uba la wan sha ka jylla na ka bynta ka jingialang ka NEC na ka bynta ban pynsngew ia ki mat jingdawa jong ki kiba ki la dawa la slem bha.
U Bah Raymond Kharjana haba kren sha ki lad pathai khubor u la iathuh ba ha kane ka jingiakynduh ki la iakren halor ka ILP, ka jingpynrung ia ka ktien khasi ha ka khyrnit ba phra ka riti synshar ka ri, ka kam khappud bad kki wei pat ki mat.
U la ong ba ha kane ka jingiakynduh um shym la niew ba ka long kaba seisoh ne ka bym seisoh. Ha kaba iadei bad ka ILP u la ong ba kim shym la ioh ia ka jubab kaba shai.
Ha kaba iadei bad ka kam khappud u Amit Shah u la ong ba kane ka dei ka kam ki ar tylli ki jylla bad lada I donkam ban tuklar un sa leh ia kata
U la ong ba ka seng kan iai bteng ban tynruh sha ka sorkar India ia kine ki bad kan iai iengskhem ha ka nongrim ba ki don naduh ki nongialam ba rim.
