Shillong Jylliew 19: U MDC ka Mawkyrwat Constituency u Bah Pynkhrawboklin Kharjahrin u la iehnoh ia ka kam kum u EM ka KHADC.
Ia kadaw ka jingiehnoh jong u ia ka shuki EM ym shym lah ban tip hynrei hynne ka sngi ka 19 tarik Jylliew u Bah CVD Diengdoh IAS Commissioner & Secretary District Council Affairs Department sha ka sorkar Meghalaya u la pynbna ba u lat ka jylla u la pdiang ia kane ka rai jong une u MDC ban iehnoh ia ka shuki EM.
U lat ka jylla u C.H Vijayashankar u la pdiang ia ka jingiehnoh kam u Bah Pynkhrawboklin Kharjahrin na ka shuki Executive Member ka Khasi Hills Autonomous District Council hapoh ka kyndon ba 21(1) (b) jong ka Assam and Meghalaya Autonomous District (Constitution of District Councils) Rules 1951.
