Shillong Nailar 24: U wei u briew uba ñiah ia ka Scooty kaba don ia u Number ML 05 AH 7551 hynne ka janmiet u la leit ban tynrah ia ka wei ka trok ha Hynniew Mer Upper Shillong.
Une u briew uba ñiah ia ka Scooty la tip kyrteng kum u Sandeep Rai uba shong ba sah ha Mawnianglah. Une u Rangbah u la mynsaw jur bad mar mar la pyntip noh sha ka 108 ban pynkit noh sha jaka sumar.
Kat kum ki tyllong khubor ka iathuh ba u Sandeep u la thmu ban leit khawai sha 101 area hynrei sniewbok u la ngad noh ha kane ka jingjia ba sngewsih. Kane ka jingjia ka la jia ha ka por kumba 9:30 eiei janmiet bad na ka liang ka 108 ka la pynkit noh wut wut sha NEIGRIHMS hospital ban ioh ia ka jingsumar kaba biang.
Kat haduh ban da thoh ia kane ka khubor ym shym la tip ia ka daw kumno kane ka jingjia ka la jia.
