Mawsynram Risaw 3: Ka FKJGP South East Khasi Border Circle haka jingialam u Bah Kyrmen Shangdiar President ka Circle ka la hiar ban jurip iaka JNV Mawsynram namar ka jingiai pynslem ban pynkynriah lane shift sha ki Building kiba thymmai naduh ka jaka hikai, jaka sah ki khynnah bad ruh ki staff katei ka skul.
Ka jingpynlong ban jurip ia kane ka skul ka dei halor ka jingpynkhein̈ jong ka CPWD iaka kular ba kin phah pynkloi ban trei dep bad la kular myn shem snem 2025 haka jingiakynduh ban pynkloi bad ban rah noh ha lane shuwa u bnai May 2026 pynban ki khlem pat lah ban pynkynriah na kidaw jong ka jing suki.
Ha kane ka jingjurip la lap ruh iakawei ka jingpyntrei jong ka Phase-B ba la khmih daka tnad na Manipur ka MTDC Ltd da u contractor na Assam bala pyntrei iaki jaka sah jong ki staff la lap ba ka jingtrei ka long kaba torti bad kabym i shngain satia namar ka jingdon ki jing orpait bad ki jingbym skhem bad ka jingbym biang ka thew ka woh ka seng ka lap ba ka jingtei long kaba kynriang naduh ki paia, ki beam ki kynroh ruh kumta ka seng shen kan sa leit ban buh daka jingthoh kum ka conplaint haki bor badei peit iakatei ka jingpyntrei namar kan sa buh ka jingma iakiba sah bad kiba pyndonkam iaka.
Katba iaka phase-A ba la pyntrei da u Contractor khasi ka kam ka la jandep naduh ka School building, Hostel khynnah kynthei, jaka ai bam iaki khynnah, jaka u Principal bad kaba sah khyndiat kadei tang ka hostel lane ka jaka sah ki khynnah shynrang bad kiba bun ki lah dep.
Ka seng ka kyntu iaka CPWD bad ka JNV Regional Office Shillong ban shimkhia bad kumjuh iaka MTDC ban bud iaki kam haba la shimti da ki contractor khnang ba ka kam kan da long shisha kaba skhem bad ka jingkyrkhu bad kaba myntoi iakiba ioh ban pyndonkam iaka.
