Shillong Risaw 1: Ka tnat Social welfare jong ka sorkar Meghalaya hynne ka sngi ka la rakhe ia ka International day of Older Persons halor ka phang The Age of longevity: “ Rethinking Systems for Longer Lives”.
Haba kren ha kane ka sngi na ka liang u nongaibuit ka sorkar jylla ha ka tnat Social Welfare u bah Paul Lyngdoh u la ong ba ka jingdon lang ki riewtymmen kiba la 92, 94 snem ka long ka jingsngewkmen ban ia don lang ban rakhe ia kane ka sngi ba kyrpang ka jong ki.
U bah Paul u la iathuh ia ka khana jong ka wei ka longkmei kaba shitom bad thaih hospital bad man ka sngi ka duwai kyrpang ia u Blei ba kan ioh ia ka met kaba koit ba khiah bad ba kan im tymmen. U la ong ba ka jingim tymmen ka dei kaei kaei kaba ngi hab ban iaid lynti.
U la ong ruh ba jinglong tymmen ka dei kaei kaei kaba ngi hap ban iaid lynti , ka jinglongtymmen ka dei ka thma kaba ngi hap ban ia khun khamtam haba ia dei bad ka jingpang jingshitom. Bun ki briew ki thrang ban longsamla da kaba ai injek ia lade. Bun ki thrang ban iai san.
U la ong bun ngi thrang ban heh ban san bad ha kano ka rta kaba ngi dei ban heh ban san.
U la iathuh ruh ba mynta u dang thoh ia ka wei ka kot kaba la pyndonkam bakla ia ka ktien tymmen, bad ka sngew tohmet bha ban ong ba ine I dei I tymmen jong nga ka ktien kaba bha ban pyndon kam ka dei ka ktien I kurim jong nga.
U la ong ruh ba palat ia ka jingjrong ka jingjylliew ka dei kaba don kam bha, ngi iohi ba ki briew kiba la 90 snem tam ki dang trei dang ktah , kata ka dei kaei kaei kaba ngi thrang ban kynjoh.
Shuh shuh u la ong ba ka wei ka longkmei kaba don 12 ngut ki khun ka don ia ka jingpang ha ka kpoh bad ban ia khun ia kata ka jingpang ka iaid bad na ka iaid ka la sdang sa ka mareh ha surok, ka mei ieid Kmoin wahlang ka la mih khmat ia ka India ban leit ia shim bynta ha ka Marathon ha kylleng sawdong ka ri bad sha bar ri ruh kumjuh.
Shuh shuh u la ai khublei ia ka directorate kaba la ai ia kane ka jingithuh ban sakhi ia kane ka sngi jong ki ba la san, ai ba ngin phai biang sha ka juk jong ka jingburom ia kiba la heh la san ha kane ka juk kaba mynta.
Ha kane ka sngi la ioh ruh ia ka jingkren na ka kong Iamonlang Syiem ka chairperson ka Meghalaya state commission for Women. Shuh shuh ha kane ka ne ka sngi lan ioh ruh ban pynkup burom ia kito ki riew tymmen kiba la palat 90 snem bad ruh ia ki longkmei longkmei kiba la wan ban ia shim bynta.
